میری ڈائری کا تازہ ورق

۱۸-۲-۲۰۱۴

آج

میرے سر پر سایہ کئے آسمان سے

ایک  اور تارا

ٹوٹ کر گر گیا!!

شفقت، محبت، توجّہ اور اپنائیت کا وہ احساس جو والدین کی وفات کے بعد بھی مجھ سے جدا نہ ہوا وہ اب جدا ہو گیا۔  میرے سب سے بڑے ماموں جان جو میری والدہ کے لئے بھی والد کی طرح قابلِ احترام تھے ہم سے جدا ہو گئے۔ اللہ انہیں اپنی جواہرِ رحمت میں جگہ عطا فرمایئے اور اُن کے درجات بلند فرمائے۔ آمین!
ثمینہ طارق

جملہ حقوق بحقِ خوشبو کا سفر©محفوظ ہے۔

ذکر------- اقتباس

جھنجھلاہٹ اور بے چینی کا سب سے مؤثرعلاج ذکر ہے اور اگر اس ذکر کے دوران ہماری آنکھ پُرنم ہوجائے  تو ہم سکون کی ایسی  لذت سے آشنا ہو جاتےہیںجس کا کوئی نعم البدل نہیں کیونکہ رب سے بہترین دوست کوئی ہو نہیں سکتا اور جس کو یہ دوست میسر آجائے اُسےکسی دوسرے کی تلاش نہیں رہتی۔

  ثمینہ طارق

خواب

خواب بے ضرر ہوتے ہیں

کبھی کسی خواہش تو کبھی کسی آرزو کے

زیرِ اثر ہوتے ہیں

کبھی اُمید تو کبھی خوشی کے

پیمبر ہوتے ہیں

جانے کیوں لوگ ان کو

سنجوتے ہوئے   ڈرتے ہیں

خواب معتبر ہوتے ہیں

یہ اُنہی دلوں کو روشن کرتے ہیں

جو ایماں اور یقین سےمنوّر ہوتے ہیں

        ثمینہ طارق

جملہ حقوق بحقِ خوشبو کا سفر©محفوظ ہے۔

انسان

              

      انسان
کبھی بکتے تھے یا
تحفتاً دئے جاتے تھے
لیکن اب صرف
مار دئے جاتے ہیں!!

       ثمینہ طارق

جملہ حقوق بحقِ خوشبو کا سفر©محفوظ ہے۔

زندگی

میری ڈائری سے اک ورق۔۔۔ ایک یاد 

'زندگی'

زندگی باغ کی طرح ہے جہاں پھولوں کے ساتھ ساتھ کانٹے بھی ہوتے ہیں اور گرمی، سردی، خزاں، بہار سارے موسم اس باغ کو سہنے پرتے ہیں۔ باغ کے جیسا حوصلہ رکھئے اور سب کچھ خاموشی سے صرف سہنے کے بجائے ان سے لطف اندوز ہونے کا فن بھی سیکھئے تاکہ کوئی بھی موسم آپ سے ناراض ہو کر نہ گزرے۔خود بھی خوش رہئے اور سب کو خوش رکھئے۔

ثمینہ طارق

جملہ حقوق بحقِ خوشبو کا سفر©محفوظ ہے۔

وقت - اقتباس

یہ سچ ہے کہ وقت ہر زخم کا مرہم بن جاتا ہے۔ کوئی بھی زخم کتنا ہی گہرا کیوں نہ   ہو وقت کا بہاؤ اسے بہا لے جاتا ہے۔  لیکن کچھ زخم ایسے  بھی  ہوتے ہیں جو وقت کے دھارے میں بہہ کر بہل تو  جاتے ہیں اور  وقت کا مرہم کچھ دیر کو تو  انہیں خشک کر دیتا ہے ۔مگر آہستہ آہستہ اُس پروقت کی کھڑند جم جاتی ہیں اور وقت گزرنے کے ساتھ ساتھ وہ سخت ہو جاتی ہے. پھر جب اسی بے رحم وقت کے ہاتھوں مجبور ہو کر ہم ایسے زخموں کو کھرچے لگتے ہیں تو اُن  سے دوبارہ لہو رسنے لگتا ہے اور وہ زخم ہمارے دل کا ناسور بن جاتے ہیں۔

 ثمینہ طارق

سفر شرط ہے!! مکمل

سفر شرط ہے!! حصہ اوّل 

سفر شرط ہے!! سفر جسمانی ہو یا زہنی، سفر خیال کا ہو یا پھر روح کا- خیال کی پرواز پر سوچ کا سفر روح کی منزل پر پہنچنے میں مددگار  ثابت ہوتا ہے اور روح کا سفر مشکل ترین سفر ہونے کے باوجود تسکین کا باعث بنتا ہے اس سے ہمارا پورا وجود معطر ہو جاتا ہے  اور ےیہ سفر خوشبو کا سفر کہلاتا ہے- http://saminatariq.blogspot.com/2013/07/blog-post.html
 

سفرشرط ہے!! حصّہ دوئم      

سچ کے تلاش کے سفر کی نہ ہی ابتداء انسان کے اختیار میں ہیں اور نہ ہی انتہا –  رب جسے چاہے اس سفر پر لگا دے اور جسے چاہے تھکا دے – اُس کے اِذن کے بغیر کچھ بھی ممکن نہیں- اُسے پانا یا نہ پانا  دور کی بات ہیں لیکن اس سفر کی اپنی ہی ایک لزت ہے اور جو اس لزت سے آشنا  ہو جائے وہ پھر سفر کی کٹھنائیوں سے گھبرا کر سفر منقطع نہیں کرتا بلکہ اس کی خوشبو سے اپنی روح کو معطر کرتا ہے اور سفر جاری رکھتا ہے- http://saminatariq.blogspot.com/2013/07/blog-post_14.htm 

 سفر شرط ہے!! حصّہ سوئم 

سچ کا بیان لفظوں میں ممکن ہی نہیں- اس کا صرف تجربہ کیا جا سکتا ہے جو اس کی طلب رکھتا ہے وہ  کوشاں رہتا ہے اور کبھی نہ کبھی جواہرات کے اس ڈھیر سے وہ موتی پا ہی لیتا ہے جو اُس کی حیات کو تابندہ کرتا ہے-http://saminatariq.blogspot.com/2013/08/blog-post_3.html

سفر شرط ہے!! حصّہ چہارم

جیسا کہ کسی بھی منزل کا تعین کرتے وقت ہم سفر پر جانے کے لئے ضروری سامان کا بندوبست کرتے ہیں اور خاص خیال رکھتے ہیں کہ کوئی چیز غلطی سے بھی نہ بھول جائے ورنہ سفر میں مشکلات سے  ہمکنار ہونا پڑے گا  اور ہم سفر کی لذتوں سے محظوظ ہونے سے رہ جائے گے اور منزل پر پہنچ کر مطمئن نہ ہوگے۔ اسی طرح روح کے اس سفر پر نکلنے سے پہلے بھی ہمیں زادِ راہ تیّار کرنا پرتا ہے۔  اپنے دلوں کی مٹی کو نم کرنا پرتا ہے، صبر ، محبت ، رحمدلی اور حلیمی کا چولا اوڑھنا  پرتا ہے۔ اپنے آپ کو اُس ذاتِ پاک کی تخلیقات کے ساتھ ساتھ اُس کی مخلوق کے عشق میں بھی ڈبونا پرتا ہے۔ جب کہیں جا کر منزل پر روح کو تسکین میسر آتی ہے۔لیکن اس تسکین سے مستفید ہونے کے لئے بھی۔۔۔۔۔۔ سفر شرط ہے!!

http://saminatariq.blogspot.com/2013/10/blog-post_23.html

ثمینہ طارق